Trim është njeriu
që pak flet,por vepron
është i urtë e besnik,
por t’padrejtën s’e duron.
Armikut ia tregon gjoksin
dhe aspak s’frikësohet
për popull e atdhe
i gatshëm të flijohet.
Kudo që të shkojë
veten e tregon,
nderon të ndershmit
faqebardhë jeton.
Por nuk është trimëri
për asnjë njeri,
që çdo ditë
grindet me kojshi.
E vret vëllaun
për kurrnjë send,
s’ka fare ndjenja
fjala s’i zë vend.