Vdekja nuk më tremb,
as kolonat e kortezhit gjithashtu.
Më tremb histeria
e atyre që, në kortezh, më lavdërojnë.
Ata që deri dje pëshpëritnin
pas arritjeve të mia,
duke injoruar çdo vepër,
çdo hap përpara,
suksesi që më largonte
gjithnjë e më shumë prej tyre.
Më tremb lavdërimi i vonuar,
fjala që lind mbi varr,
respekti që zgjohet pas vdekjes,
kur njeriu nuk është më aty
as për ta dëgjuar, e as për ta besuar atë.
