Gjelina Maçi Keci-OSTE KUNGIMI

Si me një penel piktori, mjegulla u fshi,
zëri yt ndër më të bukurat melodi,
zgjoi ëndrrat që si zogj pëllumbash
në sallën e lindjes
cicëronin e flatronin në telin e zemrës,
aty ku fryma jote hyri thellë në shpirt
dhe ngazëllimi si oste kungimi,
zbriti nga dielli nën verandën e shpirtit tënd të padimër,
që u bë Zot në rrënjë, strehë dhe univers.