Bie borë, i dashur, sa bukur po bie…
Flokëza të bardha, u mbush supi im
Herë ngjajnë me fjalë dashurie…
Herë mjegull e bardhë e mallit tim !
Bie borë, i dashur, sa bukur po bie…
Pizhëza e vogël, humbi në bardhësi,
Poshtë degëve të saj, prisja ti të vije
Sa puthje kemi dhënë aty, unë e ti…!
Po bie borë, i dashur, sa bukur po bie…
Flokëza të bardha, shkrihen në timen buzë,
Ç’më rrëmbeu sot, ky varg poezie…
Ky dimër i ftohtë, të solli ty, muzë !