Ky muaj më kujton vreshtat
të ngarkuar me verë e harbime,
netët e dehura nga ëndrrat,
puthjet e humbura në përqafime.
Muzgje të përgjumura,
marramendje kujtimesh…
Eshtë muaji kur thahen gjethet,
dhe trungjet lakuriq
Shi, të ftohtë
dhe dëborë të errët…
Ky muaj më kujton ty,
mua dhe të gjithë ne.
Sa shumë mall,
sa shumë gjëra të pathëna!
I vështirë ky muaj,
me ditët që zbehen
e netët që zgjaten pa fund.
Por do t’ia dalim,
doemos do t’ia dalim!
Të qeshurat
brenda përqafimeve
i kapërcejnë dimrat!