Ariel Bella-Gjurmë nëpër kohe

E nëse një ditë nis një gjurmë tënden
drejt jetës sime—
një mendim, një dëshirë,
apo një trokitje të lehtë—
dije se unë tashmë kam humbur nëpër kohë,
atje ku shenja jote nuk mbërrin dot.
•
Ndoshta do të më kërkosh
në ndonjë kujtim të mbetur harruar,
në ndonjë cep të shpirtit,
ose në atë melankoli
shtrirë në gjumë që do doje ta zgjoje.
•
Por unë do të jem larg,
shumë larg teje,
në një vend ku ti s’ke shkelur kurrë.
•
Do të mbledh copëzat e mia,
një nga një,
derisa të shndërrohem në një akullnajë guri,
ku asgjë më nuk depërton.
•
Mbetëm vetëm unë e ti,
në të kaluarën, jetë.