Heshtja është më tinzare se fjala,
Mjaft të shohësh buzët nga varet,
Sytë që përpijnë brenda tyre gjithçka
Imazhin që në bebëzat e tyre bymehet…
T’i lexoj të gjitha, gërmat dhe presjet,
Që para se të formohen në djepet e tyre,
Tradhëtare është heshtja, si gjithnjë,
S’ke ku shkon, s’ka askund fshehje…
Ti, vazhdo mba fort heshtjen,
Ndërsa unë fjalët e tua të pathëna,
Dëshirën që tërë poret t’i shpërthen,
Rrahjen e çartur që dot s’e fsheh zemra…