Ornela Agastra Mulla-Në dhé të huaj

Po lind tani diell tjetër,
e radioja ndryshe këndon;
Mëngjeset i pres larg vatrës,
në deje malli vërshon.
Gjyshja s’ mi lidh më gërshetat,
në magje brumi s´gufon.
Hutimi ma derdhi prapë kafen,
në dhomë vetmia kafshon.
Ne gjuhë tjetër flet spikeri.
Më duhet të nisem për punë,
më fal ”Atdhe” i ri, i vjetër,
që s´mund të të dua më shumë!
Se mendja prapë te ti më rri
atje në viset e mia,
me vete marr krenarinë e mbetur
si gjithçka merr nga nëna, bija.