Edhe tani, fatkeqësisht
kënga, jo në notën e dëshiruar
Sepse njëjtë sikurse dje, edhe sot…
E njëjta dhëmbmprehje për kafshim
Të njëjtit tinëzarë
Me po të njëjtat kopili
Horra e sorra, përjargur
Përhidhen, vërdallen
bashkë me pipiruq e llalle.
Kameleonë të pështirë
Që gëzuar duartrokasin vëllamërimin e Natës dhe Lugatit
Në tangon e gjarpërinjve
Me një këmbë për tu hedhur
Pseudopatriotët e të gjitha ngjyrave.