Thonë se jeta është fat
E fatet s’janë njësoj
Dikë, fati , përdore e kap
E dikujt anash i kaloi
Dikush e pati fat
T’i vinte jeta ,si vetë e deshi
Dikush tjetër s’mundi me e kap
E dikujt fati i buzëqeshi
Se jo të gjitha fatet janë njësoj
Si për ty edhe për mua
Dikush dhe kalëroi
Eh,duke ecur ,dikush dhe u rrëzua
Thonë se jeta është fat
Dhe fati është si ta kërkosh
Dikush s’mundet me e kap
E dikë tjetër , fati e josh
Pa kaluar në fatalizëm
Shpesh herë jeta është dhe fat
E pa rënë në pesimizëm
Lum ai që fatin kap