Thonjtë më the t’i lyej të kuqe gjak
dëshirat tua urdhër për mua,
i ndeza sa munda dhe më dukej pak
derdha dashuri për ty në çdo thua.
Një kujtim të vjetër mbi to pikturova
herën kur u prekëm duke dridhur duart,
gjithë yjet e mbrëmjes një nga një lëshova
si rrahjet e zemrës kur u dashuruam.
Thonjtë e mi ndriçojnë ende në çdo natë
dhe pse kokën pas ti më nuk e kthen,
unë sërisht i lyej zjarr të kuqe flakë,
do i doje shumë nëse një ditë vjen.