Çdo ëndërr imja ishte me ngjyra
që më jepnin ngrohtësi…
Vendi ynë i vjetër me plot kujtime,
duket si një kështjellë…
Horizonti në thellësi na ofron
qetësinë e bardhësinë,
që ne ta kemi më afër ngrohtësinë…
Andaj cilën ngjyrë të kërkoj?
Cila na përshtatet më shumë?
E bardha që nuk shihet asgjë?
Hiri të zbehtë, e cila është e vranët si qielli me shi?
Apo të kuqen të zjarrtë, që na digjte gjakrat?!
Cilën? Sepse po çmendem duke pritë…
Më janë përzier e më janë tollovitur ngjyrat…
e unë dua ta kem të kthjelltën…që shkëlqen si kristali…
A ka një ngjyrë të tillë?