Rubjana Nika-Brenda qenies

Në çdo damar të trupit tim
endet një notë,
një shkronjë lëvrin,
që bëhet varg e pentagram,
më pas poemë
kthehet në”himn”.
Në çdo qelizë të qenies sime,
jeton një varg,
jeton një strofë,
një melodi qelizën gjallëron,
dhe më jep jetë,
më forcon.
Në mendjen time ende të re,
çdo çast një varg,
një strofë çdo orë,
lind një mendim i përkorë.
që më tundon,
si zanë,si orë.