Ide të shumta në kokat e njerëzve qarkullojnë,
Shpërfaqen si mes detit, kur dallgët i gjëmojnë.
Misionarë zbatues masës së gjerë pas u vihen,
Kafshatat e helmatisura i nxitin të kapërdihen.
Ithtarët bien në grackat e morbiditetit empirik,
Aty mbesin t’fundosur si të verbuarit agnostik.
Spiritualizmi tyre dehet n’fiksime pragmatiste,
Të mashtruar me vallen e parimeve misticiste.
Nëpër kolateralet e jetës, realen stigmatizojnë,
Madhërisht e shndritin irealen dhe e lartësojnë.
Rrezatimet e bardha, seç i nxinë dhe errësojnë,
Heroizmin triumfal dhe piedestalet i rrënojnë.
Shajnë egërsisht, dhe fyejnë agun e kohës së re,
Idhujt i blasfemojnë të vlerave sublime ndër ne.
Shprehin teorizime ambiguiteti kafshët politike,
Me doktrinën e molepsur pa premisa dialektike.