Enver N. Rexhaj-VETMIA

Një ditë e errët
Një muzg i hershëm
dhe qentë e zinj

Ankthet zvariten
nga këmbët e ftohta
deri në zemrën që rrah

Grija përqafon gjithçka
dhe spikerja e lajmeve
nuk premton më shpresë

Është luftë atje
jo larg nga këtu dhe këtu
nata bëhet qefin

Asnjë këngë në këto orë
vetëm – mërzi dëgjohet
në rrjedhën e lotëve

Dhe jargë kurvërije
të disa njerëzve
të kësaj bote