Po deshët të dini diçka për mua ,
Sot po ua them , mos t’ua ndjejë .
Merrmëni , më hidhni në përrua ,
Nderi pas vdekjes s’do më vlejë !
Asgjë nuk i kërkova tepër jetës ,
Veç hisen e diellit të tokës sime .
Kurrë s’iu shmanga të vërtetës ,
Po e vërteta sjellkërka mundime !
Më pëlqekërka shumë mundimi ,
Dua të shkel udhës të së drejtës .
Ka ndodhur shpesh mashtrimi ,
T’i bëjë bishtëra të së vërtetës .
Prandaj , atëherë nuk dua nderim .
Po u kërkoj , më hidhni në përrua !
Më mjafton qetësia e shpirtit tim ,
Nderime pas vdekjes , jo nuk dua !