Qielli plot re
moti shpejt ndryshoi,
u errësua në çdo anë
shiu ia filloi.
Shiu i rrëmbyeshëm
dhe breshër pa nda,
për pak minuta
shkatërroi çdo gjë.
Njerëzit e tmerruar
nga furtuna e madhe,
mbylleshin brenda
shikonin për dritare.
Ndërkaq pasdite
lumi u tërbua,
vëshoi shtëpi e fushë
shumçka u dëmtua.
Një shtëpi në fshat
më keq e pësoi,
nga vetëtimas
zjarri e kaploi.
Kjo ditë mbeti
për sivjet kujtim,
shkatërroi pemë e perime
edhe n’kopshtin tim.
Dikur kah mbrëmja
dielli prapë rrezoi
u ngjall natyra
dhe jeta vazhdoi.