Thonë se ajo zbriti
nga një planet i largët
përderisa dielli
nanurisej
në prehërin e hënës
Thonë se kërrusur ishte
nga pesha e rëndë e një traste
që mbante ngarkuar mbi supe
mbushur përplot me dashni
Thonë se prej mjaltit
që e kishte në gjuhë
i ëmbël që bërë dhe deti
Thonë se nga shkëlqim
i nurit të saj
humbur kanë shikimin
janë çmendur
e vetën kanë vrarë
hamësit e të gjithë botës
Thonë e çfarë nuk thonë
ndodhi vetëtimthi
si në ëndërr
dhe askush s‘e kuptoj
erdhi më parë Evi apo shkoj