Blertë Tmava Veselaj-FLETĒ TË BARDHA

Në murin e jetës ndërtuar ngadalë
Me shpirt e me zemër
Me shumë mund e pak fjalë
Me shumë gurë që duan punë
Që një ditë të bëhen kalá…
Ende fletë të bardha shoh
Në librin e jetës sime
Një të shkuar kujtuar
Një të ardhme në mendime…
Fletë të bardha.
Sa shumë fletë të bardha
që duhen mbushur për shijen time
Me ngjyrat e jetës sipas çdo stine.
Fletë të bardha shoh… sa shumë.
Që t’i mbush duan shumë mund
Shumë përjetime dhe dashuri
Përplot sfida pak lumturi.
Është një lumë që nuk ndalon
Sado që jeta kalon
Fletët e bardha do t’i mbush
Dashuria të rrjedhë si lumë…