Piro Millona Minella -…” Ekzistoj se të njoha ty zemër…”

…Erdhe si një vegim i ëmbël atë ditë, një shkëmbim, një komunikim u desh që të fillojmë si dy “adoleshentë” në një moshë të tillë
Por ne ishim takuar shpesh në ëndërr në ato udhët sekrete që kalonim të dy.
Sa herë të kam thënë :
” Të dua shpirt në çdo rrugë ku të ndeshja kudo në hyrje të rrugës tënde, edhe kur dritën fikje vetëm atëherë unë merrja rrugën e kthimit me shpirtin mbushur plot.
Sa herë jemi puthur në ëndërr gushën kur ta puthja, apo prekjet e duarve të mia që dridheshin përherë.
Zemra e shkretë përpëlitej dhe dilte nga kraharori nga dashuria.
Dhe trupat tanë bashkoheshin në një trup të vetëm.
Shtrëngimi yt aq fort kishe frikë mos të ikja më doje për jetë…
Dhe kur mbetem vetëm i flas heshtjes time, por heshtja kurre nuk më është përgjigjur.
A thua edhe heshtja është lodhur me mua?
Atëherë rrëmbej lapsin dhe derdh në letrën e bardhë shpirtin tim, shkruaj për ëndërat tona. Brënda vetes time mbaj një mall, një mall që kurrë nuk u shua brënda meje.
Ja rrjeshtat që më vijnë për Ty …
Unike më shfaqesh në sytë e mi me atë sharmin e bukur që trupin tënd e mbulon më e bukur se një skulpturë e larë e tëra me flori.
Unike që zemrën time ke pushtuar ashtu pa u ndjerë me flokët e shkurtëra me supet zbuluar.
Këtë ditë erdhe si më e bukura lule në pranverën e zemrave tona.
Buzëqeshja jote gjithë botën ndriçon shpirti im të dashuron dhe pas sharmit tënd tretet kush ka dashuruar e kupton mirë.
Më dhurove momente fantastike të kam thënë që Ti për mua je qielli, toka, gjithësia që na rrethon.
Je burimi i freskët ku ka lindur dashuria.
Unë veten time ta kam falur Ty, përgjithmonë do të të dua me këtë zjarr!!
Më vjen mirë që ekzistoj e kupton ekzistoj se të dua Ty.
Je Ti ajo me qetësinë tënde me sytë e tu të ëmbël me zërin tënd që më jep forcë mua.
Për mua je shëjntore që të adhuroj kaq shumë.
Ekzistoj vetëm për sytë e tua.
Të dua dhe ti u bëre shpirti im, Unë ekzistoj për Ty.
Ekzistoj per ate puthjen e embel, tere afsh, qe me pervelon.
…..Po shpirt ekzistoj se të njoha Ty me ndjenjën tënde unë shpirtin e ngroha pikërisht tek Ty gjeta gjysmën time që më mungonte.
Faleminderit zemër që je burimi im i jetes …