Fli e dashur ,fli si qengj,
Se kur hap dy sytë e zinj
Vetullat e holla ,penj
Më duken ,lastarë të rinj.
Duken bisqe klorofili ,
Mbi dy sy kokrra ullinj,
Buzët petal trëndafili,
Flakë… si flaka në qirinj…
Fli e dashur ,fli si qengj.
Kthehu brinjas, me kurriz,
Se kam frikë, mos më mbajnë pengje
Ata sy ,.me vetulla shtizë.
Fli e dashur, fli manare,
Flokëbuta larë me finj,
T’i kam frikë buzët si zjarre,
Mos u zgjo…mos , se më shkrijnë…