GRETA DHE LODRAT
Greta ka plot lodra
që babai ia ka blerë,
secila prej tyre
për te ka shumë vlerë.
Shpeshherë lodrat
ajo i pastron
ua kreh flokët
dhe i lëmon.
I do lodrat
se janë të dlira
i përqafon fort
si shoqet e mira.
Flen me lodrat
dhe i shtrëngon,
kur e zë gjumi
nëna ia largon.
Kur zgjohet n’mëngjes
lodrat i kërkon,
motra e madhe
shpejt ia afron.
Të gjitha shoqet
ia kanë lakmi,
për lodrat e bukura
që i ka n’shtëpi.