HomeKulturëLetersiArbana Arba-Unë, Ti dhe Dashuria

Arbana Arba-Unë, Ti dhe Dashuria

Nuk është e lehtë të më duash mua.
Dhe aspak më e lehtë të të duash ty,

sepse dashuria ime për ty
është në një garë vrapimi,
në vrapime të gjata
dhe me stafeta.

E unë duhet të jem
një atlet rezistent.

Dhe ti duhet të jesh
një kalorës i mirë,
madje as ecja me galop
nuk të mjafton.

E pra,
kush dashuroi vërtet
dhe nuk u bë dot
as atlet,
as kalorës,

ka për të mbetur
gjithnjë
një këmbësor.

RELATED ARTICLES
- Advertisment -