Atë buzë t’qeshur ëmbëlake.
Kuq si qershia në degë.
Vashë e bukur ulqinake.
Të t’puth dua o luleshegë!
Thëllëzë moj nën hije rrapi.
Nuri yt ç’më tundoi fare.
Shtathedhur vajzë nga Llapi.
Gojëmjaltë si sheqerpare.
Ç’ja thot këngës n’breg t’Valbonës,
ai dardan djali me çifteli.
Për syshkruarën e Tropojës.
Njatë belhollën si bojli.
N’kala t’moçme gur mbi gur,
që i bën roje Shkodrës Loce.
Vjen shkodranja si shtizë n’flamur.
Një më t’bukur s’ia gjenë shoqe.
Vetullhana kur del në dritare.
Bukuroshe aromë trëndafili.
Cucë malsore tetovare…
Seç e trande atë djalë bandili.
***
Shqiptaret, Perëndia i uroi.
Plot virtyte dhe bukuri hyjnore.
Me mirësi dhe dashuri i mbuloi.
Zoti i bekoftë vashat arbërore!