Notat kredhur mbi kitare,
telat dridhjesh…përpëlitur,
kordë-fjetur, heshtje-ngarë,
gjethesh vjeshte kërkëllitur…
Gjethesh vjeshte ulërasin,
rrudhur, feksur, rradhë-rënë,
tingujt shuar fort përplasin,
gjurmë flirtimit pritjen lënë…
Gjurmë flirtimit ikja mbytur,
çelsash mpirë prej harrese,
brengash malli…kacafytur,
stinë flijimi…dallgë kujtese…
Notat kredhur mbi kitarë,
ikja, pritja…keq ngatërruar,
kordë-fjetur, heshtje-ngarë,
gaz e dhimbje…shekulluar…