Bekim Blaku-LINJË SHPIRTI

Të paprekshmit
Jetojnë vetëm në iluzionin vetanak
S’ka të paprekshëm
Të paarritshmit
Nëse ekzistuan ndonjëherë
Kanë vdekur qëmoti
Çdokush e çdo gjë mund të arrihet
Duhet kohë shumë kohë
Duhet punë shume punë
Dhe durim shumë durim
Të gjithë të pacipët të krisurit
Të gjithë gojökëqijtë hipokritët
Të neveritshmit neveritësit
Në veçanti narcisët
Sa më larg më mirë
Të tillët të duan kukuvajkë rrugësh
O të ndjekësh rrugën e kukuvajkave
Sidoqoftë unë vesha parzmoren
Çdo furtune gjoksin do ia tregoj
Do i këndoj Lirisë me nota shpirti
Deri në blerimin e Pranverës
Në shpirtrat e Njerëzve
Atëherë mbase
I gëzohemi edhe më shumë
Lirisë