Kam parë që të shiten veç për një pozitë
Dhe të tillë kam parë të vdesin për lakmi
Edhe miq shumë pata por veç në tranzit
Ndoshta diku, rrallë, ndonjë mik për shpi.
Kam parë për këto vite, e çka s’kam parë
Edhe nga kafshë kam parë të ndryshme
Kuaj që nuk frenoheshin, t’pa bërë timar
Dhe pa binxhi pela, ishin të neveritshme.
S’ma ka marrë mendja se dhe të tillë ka
Njerëz sa fëlliqana, si të them, të ndotur
Të ta marrin dheun dhe t’kërkojnë hala
Sado që t’u japësh, prapë të pa ngopur.
Asgjë s’keni parë, çka kish n’parlament
Të ndotur shumica sikur llumi në përrua
Njerëzit për pozitë të luajnë nga mendtë
Pa më trego, ore mik, kësaj çfarë i thua!