Shpirtërore trashëgimia, dëshmi
e ekzistencës ndërshekullore,
stoli e identitetit autentik,
mizorive natyrore e njerëzore,
denjësisht u ka bërë ballë.
Vlerë e përjetësuar,
në themele rrënojash,
rrënjë rezistence ka lëshuar,
bashkuar me jehona këmbanoresh,
me vështrmin drejt së ardhmes,
sot dialog me të shkuarën ndërton.
Byzylyk i florinjtë trashëgimia,
ku hallkat e kujtesës, pazgjidhshmërisht,
të largëtat distanca shekullore,
në rrëfenja trimërie, besnikërie,
bujarie dhe mikpritjeje,
shpirtërores ndezur mbajnë,
që brezave ekzistencën
e përjetëshme t’u mëkojnë.