Unë hesht dhe vetëm buzëqesh,
Me buzëqeshje e mbyt çdo trishtim,
Me dashuri e mirësi jetën e vesh,
Dhe pres nga ajo të më sjellë gëzim.
Nëse jam sot e lodhur nga shumëçka,
Fatin e kam marrë në duart e mia,
Pa veshë dhe sy për ato dhe ata,
Sy e veshë për mua është vetëm familja.
Sot, kur jeta dhe vitet rrjedhin shpejt,
I mendoj numra thjesht për numërim,
Se rruga tani ska kthesa, është e drejtë,
E kishte shkruar Zoti, më erdhi si bekim.
Bekuar o Zot jam sot, në duart e tua,
Bij, motër, grua, nënë, dhe mike e gëzuar.