Lida Bashllari-BESIMI I THYER

Nuk më besuat,
Edhe kur betohesha në Zot e shenjtorë.
Për një gabim, një gënjeshtër e servirur me mend e dorë.
Dhe kur e vuaja, brenda shpirtit mëkatin e pabërë,
Me akuza më mbushët, a thua pata vrarë një botë të tërë.
Tani më faleni, harruat dhimbjen dhe brengën time,
Në ditë e net, kur qaja me hënën e vetme, jetime.
Më flisni në heshtje, të penduar për dëmin që më keni shkaktuar,
Veç sens nuk ka më, tani ç’më duhet falja juaj e gjunjëzuar?