I fola vetes sot
I fola gjatë
I fola ashpër si kurrë më parë
E pashë në sy
E pashë në shpirt
sa shumë që kishte qarë.
Ti thaji lotët
Frymë thellë merr
E di që do t’ ia dalesh
Me atë zemrën tënde det
Patjetër do ta falesh
Dëgjoje mendjen kur të flet
Logjikën freskët mbaje
Edhe çdo njollë mbi ndergjegje
me kohë nise laje..
Dhe nisa ditën plot me vrull
Ia dola – thashë , ..mendova
Por sa e ndesha vështrimin tënd
ah , ..armët i dorëzova ..