HomeKulturëLetersiGjelina Maçi Keci-Endrrat i ushqej me qumësht dielli

Gjelina Maçi Keci-Endrrat i ushqej me qumësht dielli

Brenda zemrës time
është një diell,
që rri gjithnjë ndezur
çelsin e ke ti.

Nëpër dhoma të saj
harlisen ënderrat për ty
Ushqehen me qumësht dielli
fluturojnë majë bjeshkëve,
atje ku digjen yjet
konaqeve me hënë.

Në livadhe të shpirtit
ka mbirë pranverë,
që rrok dashurinë e kaltër
Lumi i mallit të bardhë,
vërshon qënies time.

Me forcën e një urugani
ndjenja për ty
zapton çdo pikë gjaku
përshkon kupën qiellore
skaj më skaj.

Me fantazinë e saj niset
për të parë Perëndinë tënde
se mos kotet,
pastaj zbret brigjeve të detit
imazhit të syve tu.

E unë i frikohem
trekëndëshit të Bermudes,
mos , o Zot
të më flejë ora pa të parë,
Prap të buzëqeshur
asaj rrugës duke më ardhë.

RELATED ARTICLES
- Advertisment -