Qyteti u zgjua,nga shiu që bie…
Zogjtë humbasin në qiellin me re.
Pranë zjarrit unë shkruaj, vargje dashurie
Për dimrin, për gjethet, pemët… për ne !
Ti shkujdesur sytë do hedhësh tutje,
I vetëm shiut do i flasësh, gjithësesi
Mes mallit do përhumbesh, larg në puthje…
Dhe në stinët që ndërrohën shpejt, për çudi !
Qyteti u zgjua, nga shiu që bie…
Në një gjumë harrese ne mbetëm, të dy !
Oxhakut, unë shkruaj vargje dashurie…
Për borën, për pranverën, për ty !