Sikur të takoja lirinë,
do t’i flisja butë, si mikut të vjetër,
do t’i tregoja plagët që s’i pashë,
por që m’i la në shpirt çdo pritje e vjetër.
Sikur të takoja lirinë,
do t’i thoja pse vonoi kaq shumë,
pse na gjeti me zemra të lodhura,
me ëndrra të thyera, me shpresë në gjumë.
Sikur të takoja lirinë,
do ta puthja si nënës kur i kthehesh vonë,
do t’i uroja të mos na lëshojë kurrë,
të mbajë të fortë çdo shqiponjë në zonë.
Sikur të takoja lirinë…
Ndoshta atëherë do e kuptoja mirë,
se ajo s’vjen vetëm prej pushkës së zjarrtë,
por prej zemrës që rreh për atdhe çdo ditë.