Nuk ka vajza që nxitojnë
në një krua pranë katundit
Në reklama po kërkojnë
celularin më të fundit
Nuk ka letra me citate
skuqur-o për dashurinë
Symenduar në ekrane
edhe natën po e gdhijnë
S’ka tiganë e tenxhere
ku zien mishi me fasule
Pret pasqyra prapa dere
duart mbushen me fastfude
Globi prapë rrotullohet
dielli prapë do hedhë rrezet
Jetë e tërë transformohet
si një kafe që po derdhet