Jam tu t’prit t’lagena n’shiun e kësaj vjeshte t’çmendun
Ti e di se unë nuk di me vallëzue …
Di veç me të dasht ty
Njashtu siç due kokrrat e shegës t’pjekun
Jam tu t’prit e hipun mbi hanë
Due me ti ba dritë qiellit tand t’zbrazun
Vjeshta na i ka mbushur sytë me mall
N’pikë të tyne unë laj tana kujtimet që s’due me i harrue
Ti e di se vjeshtat i due sa tana stinët
Njashtu sic due ,duart e tue tu m’qerue ftonjt e verdhë
Mos t’më mesin n’fyt
Shpirt
Jam tu t’prit me t’tregue se zogjtë i kan marë me vete t’vegjlit e tyne
Me i rrit n’një qiell tjetër
E mue qiellën ma kan rrëxue përtokë
Tu m’lan vetëm
Jam tu t’prit ….
Me ta dasht dashnin q’ke për mue