NË PRAG
Në prag të vjeshtës,
gjethet vendosin fatin e tyre kalimtar.
Vjeshta vjen si një shtrigë me flokë të kuqe
që erërat i kapërcen mbi një fshesë prej kashte të trashë.
Pyjet magjepsin sytë, duke ofruar pamje kartolinash:
shtresa ari dhe portokalli, të kuqe dhe vjollcë.
Së shpejti të gjitha pemët do të shkundin ngjyrat e tyre plotësuese,
dhe gishtat e zinj kockorë do të shtyhen me forcë
kundër bardhësisë së pragut të dimrit.
Stanley H. Barkan, SHBA
nga “The Faces of Time – Les visages du temps”
Piktura nga Agon Schiele, Austri
Nga projekti “Poetry without borders – “Poezia pa kufij” i Fondacionit Kulturor Ithaca në Spanjë drejtuar nga poeti, përkthyesi dhe botuesi i njohur i poezisë moderne ndërkombëtare Germain Droogenbroodt.
Përkthimi në gjuhën shqipe nga Irma Kurti.