Moj Kosovë , ta puthsha ballin ,
sa shumë stuhit i përballove,
sa shumë gjak u derdh në këtë
tok arbërore ,
në çdo pëllëmbë – një zemër trimërore •
Moj Kosovë , ta puthsha ballin ,
trimat tu të dolën Zot,
i linde , i rrite si shqiponja ,
si bij të Kastrijotit , plot dritë e zotësi •
Dardani , emrin e lashtë e mbanë me nder,
burra e gra të kombit tanë ,në ballë të dheut e ke ,
me shpirt të lirë , me besë e me atdhe ,
në zemrën tënde frymon një këngë
lirie •
UÇK – ja , si flakë e shenjtë , u ngrit ,
nga toka jote , nga gjaku yt dolen ,
djem e vajza , burra e gra , me pushkë në dorë , lirinë ta sollën ,
E ndoqën barbarin nga kjo tokë ,
me zemra zjarr e gjakë të derdhur për jetë ,
e vulosën pavarësinë me nder e me besë ,
Kosovë , moj nënë , ma kurrë nën
çizme s’do t’jesh !