Marigona Kelmendi -Shi

Sa herë mbyllen dyert
Retë do të më sjellin shiun
Me pika të rralla pararojë
Lutjet shtojnë kujtimet
Pa dashur më shkrep
Të flas për shiun se ai
Është i freskët si dashuria
Fillon përtueshëm pikë-pikë
Për të përfunduar në rrebesh
Kambanat lëvizin ding-dongun
Zgjohem përgjumshëm
Ndiej lirinë po si një zog
Pastaj s’di pse më ikin mendimet
Si java që shkoi përhumbshëm
E huaj lutem me pak zemër
Për të Madhin që më dha jetë
Ç’po bie shi këtë natë vetmie
Sërish diçka u zgjua në mua
Janë mendimet e mia
Për ty që vjen prajshëm
E di ti je vetë mrekullia