Nëse diçka më vjen të shkruaj,
Për një kujtim a për një tash,
Më frymëzon njeriu i mirë,
Natyra frymën ma ndal paq.
E nëse ulem edhe shkruaj,
E gjithë bota imja është,
Ylber dhe këngë shpërfaqesh ti,
Bekim altaresh vargjet ruaj.
E nëse fjalët bëhen vargje,
Mbështjellë me magmë si koracë,
Dhe në mëkat të shenjtëruar,
Shkëmbi rrit grurë të begatë.
Edhe në ditët që nuk shkruaj,
Ti më muzëton në frymëzim,
Vargjet në palcën e zemrës ruaj,
Dhe ditët rrjedhin poezi….