Sa dua të të shkruaj, e dashur,
sa dua të të tregoj
për lotin e pabindur në faqe,
për ëndrrat e stinës bërë meteor.
Sa dua të të shkruaj, e dashur,
sa dua të të tregoj
për të fshehtat e zemrës sime,
për një pëllumb të bardhë që loton .
Sa dua të të shkruaj, e dashur,
sa dua të të tregoj
për një poezi që s’mund ta shkruaj,
për dy sy që më mungojnë.
Sa dua të të shkruaj, e dashur,
sa dua të të tregoj
për plagën e përgjakur të kurbetit,
për një atdhe që nuk më doli zot.