Ecja nëpër vapë
nga kurbeti u ktheva
ngritur që me natë
seç më mori etja
Në një krua në fshat
ndalova për freskim
Syzeza qerpikëgjatë
mbushte ujë në burim
Vapa më kaploi
vashëzën kur pashë
Djersa në buzë pikoi
i gjunjëzuar rashë
Nga sy shqiponja
një pikë ujë prisja
Më rrotullohej bota
ulur kur po rrija
Ditë e nxehtë behari
përvëlonte diell gushti
Trupin ma përpiu zjarri
kur gotën më mbushi