U gëzuan tërë familja
nuse t’re kemi marrë,
sytë e zi e shtat’hedhur
më të bukur s’kemi parë .
Nuk kaluan shumë javë
nusja e re po flet,
s’kam ardhur për lopë e dhi
po dua t;jetoj vetë.
Dua ta gëzoj jetën
sa jam e re
bashkë me burrin
të shëtisim ne.
Këmbën mbi këmbë
ulur nën hije,
për asgjë s’kujdeset
pika po t’i bie.
Merr telefonin
diçka hulumton,
nusja veç rri
dhe vjehrra punon.
Qysh erdhi kjo ditë
pleqtë rrinë e shikojnë,
kah lyhet e ngjyhet
dhe me burrin shkojnë.
Pse kështu veproni
aspak s’e keni mirë
për vete plotësoni
secilën dëshirë.
Plaka e shkretë
zhag duke shkuar,
duhet ta bëj drekën
s’jetohet pa punuar.