Valle rëndë e Laberisë,
dallga që ngrihet mbi dete,
rrotullohet fustanella,
dhe mbështjell një mal nën vete.
Vallja që u hodh në sheshe,
herë e sertë e herë e butë,
sikur shtron nje sofër dasme,
sikur jep kushtrim për luftë.
Valle burrash, valle trimash,
sup me sup perballë stuhive,
një nga një dalin legjendat,
që nga palët shamive.
Vallja që na vjen nga shekujt,
vallja që gjëmon së largu,
klithma që ka dalë nga dhimbja,
flaka qe ka dale nga gjaku.
Valle rëndë e Laberisë
përcjell brezash amanete,
rrotullohet fustanella,
dhe mbështjell një mal nën vete.