NË DEGË TË PEMËS
Në degë të pemës
një zog po qëndronte
nga dritarja e dhomës
çuni e shikonte.
Doli shpejt përjashta
zogut iu afrua,
s’lëvizte nga vendi
krahun kishte lënduar.
E mori ngadalë
krahun ia mjekoi,
zogu i gëzuar
në degë fluturoi.
U gëzua çuni,
kur zogu fluturoi
i dha edhe ushqim
zogu e falënderoi.
Djaloshi i mbarê
sa mirë veproi
zogun krahëthyer
ai e ndihmoi.
Do të ishte mirë
zogjtë t’i ndihmojmë,
se në çdo kohë
krimbat i farojnë.