PIKË PËR PIKË…
Në sytë e tu janë tërë agimet e mia
Dhe në buzët e tua, gjithë perëndimet,
Vera e kuqe, gjaku i ndezur,
Shtrirë aty, me to, po më presin…
Kjo kohë pa ty s’është kohë, e di,
Por ecje e boshtë akrepash në gjithësi,
Ja pse s’u dëgjohet as jehona e hapave,
Fushës së zbardhur nga bryma e pritjeve…
Do mbarojë dhe kjo kohë, si të tjerat,
Që bosh si erdhën, ikën, humbëtirës kuturu,
Drejt e nga sytë, buzët që dua
Pikë për pikë do më kthet, çdo gjë e munguar…