HomeKulturëLetersiMimoza Zymeri-MBI QYTETIN TËND

Mimoza Zymeri-MBI QYTETIN TËND

Më çove në qytetin tënd,
ku ëndrrat kanë fole,
ku rrugët ruajnë hapa dhe muret zë
nga lart qyteti flinte nën një qiell me re,
ne qeshnim si të lumtur, por s’ishim të tillë ne.

Më dhe një copëz jete, një kujtim të vjetër,
një rrugë ku kishe ecur, një prag, një derë,
unë mora atë çast dhe e mbajta në vete,
si një letër të palosur që s’e lexon asnjëherë.

Dy sy u panë gjatë, pastaj ulën vështrimin,
dy zemra rrahën fort, por fshehën trishtimin,
sa bukur qeshëm bashkë e sa shumë na dhembi,
se goja s’e tha fjalën që zemra e ndjeu.

RELATED ARTICLES
- Advertisment -