Po kalon kohë-kohë
Edhe kjo kohë kohësh
Duke sjellë ndër mend
Thërrmija ditësh vitesh
Tek shkelja vetëm
Vetëm o sa vetëm
Hijeve të zverdhura vjeshte
Ku shushurinin nëntorë historish
Mungonin hapat e tu
Për t’ju dhënë jetë ëndrrave
Për të gdhendur një emër
Një datë një pafundësi
Për të zgjatur pastaj duart
Drejt jetës drejt diellit
Dielli është i mirë në përqafim
Plot ngrohtësi si ti
Si toka ku u rritëm
Si Ati si Dheu si Loti
Si ti vetëm ti ti ti ti…
Marigona Kelmendi-Syzemre
- Advertisment -