I dashuri im, mbetëm duke bërë limonatë,
Botës s’iu mbaruan kurrë frutat e athtë,
Hajt, s’ka gjë, luftojmë mërzitë e kota,
Sëmundjet e bejlerëve që i vret e mira…
Dreqi ta hajë, një herë të vetme dua ta di,
Si është të çmendesh nga lumturia,
Pranga në mish e në shpirt, të mos kesh,
E as krahë të thyer kompromisesh…
I shkrova një letër sot Zotit,
E falenderova për tërë limonat,
Mësimet, jetën e gjatë dhe ty…
Në djall paratë! Më prit! Po nisem…