Se ç’paskam sonte një dëshirë..
nga ato që burrit i kanë hije..
Të pi një gotë nga vera më e mirë
Shtrydhur nga një vreshtë dashurie!
Të pi dhe të kem atë përballë
Atë vajzë të hëntë, si dikur..
Kur unë poeti që dehja fjalë
Mbi buzë ia grisja, djegur zhur!
Çohem vonë gjysëm i dehur
(Sdi sa pagova, a lash kusur)
Dhe nata qeshte e pa krehur!
-Kur pinë poetët kan tjetër nur!
***
Se ç’paskam një dëshirë sonte të pi
Nga shtrydhjet e vjeshtës që zbret
E hënta hënë vallë ku je tani?!
-Dy gota kamarier, mbushi, ç’pret!